काठमाडौं १४ असार । राष्ट्रपति विद्यादेवी भण्डारी र प्रधानमन्त्री शेरबहादुर देउवाबीच भेटवार्ता भएको छ । आज मंगलबार साँझ शीतलनिवासमा राष्ट्रपति र भण्डारी बिच भेटवार्ता भएको हो ।
भेटमा समसामयिक विषयहरुबारे छलफल भएको बताइएको छ । भेटमा भण्डारीले जनसरोकार र राष्ट्रियतासँग सम्वन्धित विविध विषयमा प्रधानमन्त्रीको ध्यानाकर्षण गराएकी शीतलनिवासले जनाएको छ ।
साथै, भेटमा राष्ट्रपतिले काठमाडौं उपत्यकामा हैजा देखिएको अवस्थामा यसलाई फैलिन नदिन आवश्यक सतर्कतामा जोड दिन आग्रह गरेकी छन् ।
खेतिको समयमा किसानले भोग्दै आएको मल तथा विउविजनको समस्या समाधानका लागि पनि राष्ट्रपति भण्डारीले प्रधानमन्त्रीको ध्यानाकषर्ण गराएकी छन् ।
