काठमाडौं १४ असार । नेकपा एमालेका अध्यक्ष केपी शर्मा ओलीले एसपीपी आफ्नो समयमा ल्याएको र अहिले रोकिएको भन्दै राष्ट्रिय तथा अन्तराष्ट्रिय रूपमा ढाँटिएको भन्दै माओवादी केन्द्रका अध्यक्ष प्रचण्डमाथि खनिएका छन् ।
अध्यक्ष प्रचण्डले सोमबार मदन भण्डारीको ७१औं जन्मजयन्तिका अवसरमा आयोजित कार्यक्रममा ओलीले ल्याएको एसपीपी आफुले रोकेको बताएका थिए ।
‘एकजना नेताले पटक–पटक भनिरहेका छन् । एसपीपी केपी ओलीको समयमा ल्याएको थियो । अन्तर्राष्ट्रियरूपमा पनि ढाँटिरहेका छन् । राष्ट्रियरूपमा पनि ढाँटिरहेका छन्, केपी ओलीको समयमा ल्याएको थियो मैले भूमिका खेलेर अहिले रोकाएँ भनेर । योभन्दा बढ्ता ढाँटको कुरयोभन्दा बढ्ता फट्याइँ के हुन्छ ? ‘ओलीले प्रचण्डलाई लक्षित गर्दै भने ।
आफू प्रधानमन्त्री हुँदा तत्कालीन रक्षामन्त्रीसमेत रहेका प्रधानमन्त्री सुशील कोइरालाकै आदेश अनुसार पत्र पठाइएको बताएका ओलीले पत्रमा चलानी नम्बर र मिति टिपेक्स लगाएर आफूलाई फसाउनका लागेको आरोप लगाएका छन् ।
२०१९ मा नै एसपीपीलाई आफ्नो समयमा स्थगित गरिएको र अहिले एसपीपीबारे नयाँ ड्राप्ट ल्याएको आरोप लगाएका ओलीले एसपीपी फिर्ता गर्ने बताए पनि त्यसको खतरा कायमै रहेको बताएका छन् ।
