काठमाडौं १३ असार । सरकारमा सहभागी चार मन्त्रीले आजबाट विदा भएका छन् । नेकपा एकिकृत समाजवादीबाट मन्त्री भएका चार मन्त्रीले आफ्नो सम्पति विवरण नै सार्वजनिक नगरी बिदा भएका हुन् ।
मन्त्री नियुक्त भएलगत्तै सम्पत्ति विवरण सार्वजनिक गर्ने परम्परा तोड्दै प्रधानमन्त्री शेरबहादुर देउवा सरकारका चार मन्त्रीले बिदा भएका हुन् ।
सरकारबाट बिदा हुनेमा स्वास्थ्य तथा जनसङ्ख्यामन्त्री विरोध खतिवडा, संस्कृति, पर्यटन तथा नागरिक उड्डयनमन्त्री प्रेमबहादुर आले, श्रम, रोजगार तथा सामाजिक सुरक्षामन्त्री कृष्णकुमार श्रेष्ठ र सहरी विकासमन्त्री रामकुमारी झाँक्री रहेकी छन् ।
