‘कबड्डी’४ ले बक्स अफिसमा तहल्का पिटे पछि यस फिल्मका निर्देशक उत्साही देखिएका छन् । उनीमात्र हैन नायक दयाहाङ राई पनि उत्तिकै उत्साही देखिएका छन् । अब निर्देशक रामबाबु गुरुङ र अभिनेता दयाहाङ राईले नयाँ फिल्म निर्माण गर्ने भएका छन् । रामबाबुले निर्देशन गर्ने यो फिल्मको मुख्य भूमिकामा दयाहाङसहित अर्का चर्चित तथा लोकप्रिय पात्र विपिन कार्की समेत देखिने भएका छन् ।
पारिवारीक कथामा निर्माण हुने यस फिल्म फ्लोरमा भाद्र १५ गते देखि जाने भएको छ । निर्देशक गुरुङले फिल्मको मुख्य भूमिकामा दयाहाङ र विपिन पनि हुने पुष्टि गरे । तर नायिकाको सवालमा भने अडिसन हुने उनले बताए । यशोधा फिल्म्सले निर्माण गर्ने फिल्मको कार्यकारी निर्मातामा मणिराम पोखरेल रहने बताईएको छ । यस फिल्मको नाम भने जुराइ सकेको छैन । फिल्मको पटकथा भने यसै फिल्मका चर्चित पात्र धामी बा अर्थात उपेन्द्र सुब्बाको रहेको छ ।
