काठमाडौँ । चर्चित गीत तिमी बिनाको भाग ३ आउने भएको छ ।
गीतकार रचना प्रधानको शब्द शृजनामा तयार भएको बहुचर्चित गीत तिमी बिना गायिका सुरक्षा सेन्चुरीको आवाजमा आउन लागेको हो । तिमी बिनाको सफलतासँगै तिमी बिना भाग ३ को म्यूजिक भिडियोको छायांकन गरिएको निर्माण यूनिटले जनाएको छ ।
बरिष्ठ गायक तथा संगीतकार नागेन्द्र श्रेष्ठको संगीत रहेको गीतमा राहुल प्रधानको एरेन्ज रहेको छ । अर्को साता रिलिजको तयारी गरिएको तिमी बिना भाग ३ मा प्रबिन डिसी , आयुष्मा कार्की र सृष्टि सुब्बाको अभिनय रहेको छ । जसमा शृगार पुनम चौधरीको रहेको छ । भिडियोको छायांकन दिनेश पराजुलीले गरेका हुन् भने सम्पादन अमृत चापागाईले गरेका हुन् । गीत आर स्टुडियो दार्जलिगं र स्टुडियो वान काठमाडौँमा रेकडिंग गरिएको हो ।
प्रेम, रोमान्स र बिछोडले भरिएको त्रिकोणत्मक प्रेम कथालाई देखाउन खोजीएको गीतको भिडियोलाई पछिल्लो पुस्ताका रुचाइएका निर्देशक जस बहादुर याक्खाले निर्देशन गरेका हुन् । काठमाडौँ आसपासका मनोरम स्थलहरुमा छायांकन गरिएको भिडियो ओएसआर डिजिटलबाट बजारमा ल्याउने तयारी गरिएको छ ।
