कञ्चनपुर- शुक्लाफाँटा नगरपालिका–३ का किसान धान रोप्नका लागि पावर टिलरको सहायताले खेत हिल्याउँदै । कृषि आधुनिकीकरणका कारण अहिले गाउँगाउँमा कृषिको परम्परागत र झन्झटिलो शैली हराउँदै गएको छ भने आधुनिक कृषि औजारले छिटो, छरितो र सजिलो बनाएको छ। तस्बिरः राजेन्द्रप्रसाद पनेरु÷रासस
२५ लाखको अक्षयकोष स्थापना
अर्थ मन्त्रालयका सचिव कृष्णहरि पुष्करले आपूmले औपचारिक शिक्षा प्रारम्भ गरेको विद्यालयमा २५ लाखको विद्यार्थी कल्याण अक्षय कोष स्थापना गर्नुभएको छ ।
आफ्नो पैतृक थलो महोत्तरीको जलेश्वर नगरपालिका–४ सुगाभवानीपट्टीस्थित श्री शुकदेव माध्यमिक प्राविधिक विद्यालयलाई सचिव पुष्करले रु २५ लाख रकमको अक्षयकोष रकम बिहीबार हस्तान्तरण गर्नुभएको हो ।
अक्षयकोषको रकमको ब्याजबाट सुगाभवानीपट्टी बस्तीका दलित, असहाय तथा जेहेन्दार विद्यार्थीलाई छात्रवृत्ति प्रदान गरिने उद्देश्य छ । सचिव पुष्करले कोषबापतको रु २५ लाखको चेक विद्यालयका प्रधानाध्यापक कृष्णचन्द्र चौधरीलाई हस्तान्तरण गर्नुभएको हो ।
स्थापित कोषको रकम बढाउँदै लगेर केही वर्षभित्रै रु एक करोड पु¥याइने पुष्करको भनाइ छ । “अहिले रु २५ लाखबाट कोष स्थापना भयो”, पुष्करले भन्नुभयो, “अब कोषमा क्रमशः रकम थप्दै केही वर्षभित्रै रु एक करोड पु¥याइनेछ ।” अर्थाभावले कोही शिक्षाबाट वञ्चित नहोउन् भन्ने आफ्नो ध्येय रहेको पुष्करको भनाइ छ ।
कोष रकम हस्तान्तरण समारोहमा जलेश्वर नगरपालिकाका प्रमुख सुरेश साह सोनार, जलेश्वर–४ का वडाध्यक्ष हरिश्चन्द्र महतोसहित सुगाभवानीपट्टी बस्तीका सर्वसाधारणले पुष्करलाई पूmलमाला र अबिर लगाइ सम्मान गरेका छन् । पुष्करको आफ्नो ठाउँ र आफूले प्रारम्भिक शिक्षा लिएको विद्यालयप्रतिको स्नेह र लगाव प्रशंसनीय रहेको नगरप्रमुख सोनारले बताउनुभयो ।
सो अवसरमा पुष्करलाई दोसल्ला ओढाइ सम्मान गरिएको थियो । सुगाभवानीपट्टी बस्तीमा जन्मनुभएका पुष्करले प्रारम्भिक शिक्षा सोही बस्तीको शुकदेव माध्यमिक विद्यालयमा प्राप्त गर्नुभएको हो । श्रीमद्भागवतका प्रथम वाचक विश्वास गरिने महामुनि शुकदेव स्वामीका नाउँमा स्थापित आफू पढेको विद्यालयलाई निरन्तर सहयोग गरी रहने सचिव पुष्करले प्रतिबद्धता जनाउनुभएको छ ।0
