हाँस्य ब्यंग बिद्यामा आधारीत रहेर बनेको नेपाली फिल्म सिल्ली फो को ट्रेलर सार्वजनिक भएको छ । यस चलचित्रमा मुख्य भुमिकामा नायिका केकी अधिकारी रहेकी छिन् । राज बहादुर सानेको निर्देशनमा बनेको यस चलचित्रले हिरोईन बन्न संघर्षरत युवतीको कथालाई बोकेको छ । कमेडी बिधामा आफुले पहिलो पटक काम गरेको भन्दै निर्देशक सानेले चलचित्र राम्रो बनेको बताए ।
मनोज डिके निर्माता र विशाल श्रेष्ठ सह निर्माताको रहेको यस चलचित्रमा अन्य कलाकारहरुमा राजाराम पौडेनल , रवीन्द्र झा, दिनेश रेग्मी, भुगोल कार्की, रमेश बजगाईं, अनिता लामिछाने, दीपक थापा, पुर्णचन्द्र पोखरेल लगायत रहेका छन् । चलचित्रलाई दिव्य सुवेदी, वीरेन्द्र परियार, नरेन्द्र आलेले छायांकन गरेका छन् । यो फिल्म आगामी असार ३१ गते रिलिज हुँदैछ।
