पुर्वमिस नेपाल तथा नायिका सृष्टि श्रेष्ठद्धारा अभिनित चलचित्र ‘द सिक्रेट्स अफ राधा’को नयाँ पोस्टर सार्वजनिक भएको छ । शुवर्ण थापाको निर्देशनमा बनेको यस चलचित्रमा सृष्टि एकल आमाको भूमिकामा देखिदैछिन् । सार्वजनिक गरिएको पोस्टरमा उनी आफ्ना हराएका पतिको खोजीमा निस्किएको देखिन्छ । पोष्टर पुरै श्यामश्वेत रहेको छ । किनकि यस चलचित्र ‘राधा’ श्यामश्वेत प्रविधिमा निर्माण गरिएको छ ।
यस फिल्मको निर्माण सौगात मल्लले गरेका हुन् । फिल्मको मुख्य भुमीकामा सृष्टि श्रेष्ठ, सौगात मल्ल सहित खगेन्द्र लामिछाने, मेनुका प्रधान, पशुपति राई, दिव्यदेव पन्त, पुष्कर गुरुङ, लोकेन्द्र लेखक लगायत रहेका छन् । यो चलचित्र भदौ १० गते रिलिज हुदैछ । आफैले निर्माण गरेको भएर सौगातले यस फिल्मको प्रचार प्रसारका लागि खुब मेहनत गरिरहेका छन् । उनले यस दौरानमा अभिनय बाट केहि समयका लागि बिश्राम समेत लिएका छन् ।
