काठमाडौं । २ दिनदेखिको अविरल वर्षाका कारण मेलम्ची खानेपानी आयोजनामा पनि ठूलो क्षती हुने पुगेको छ ।
आयोजनाका प्रवक्ता राजेन्द्र प्रसाद पन्त्द्धारा जारी गरिएको विज्ञप्तिमा अचानक आएको बाढीले गर्दा मेलम्ची खानेपानी आयोजनामा कार्यरत आठ जना सम्पर्कविहीन भएका छन् । जसमध्ये तीन चिनियाँ, तीन भारतीय र दुई नेपालीसहित आठ कामदार बेपत्ता भएको विज्ञप्तिमा उल्लेख छ ।
बेपत्ता ८ जनाको खोजीकार्यका लागि नेपाल प्रहरी, सशस्त्र प्रहरी, स्थानीयबासीको सहयोगमा उनीहरुको खोजीकार्यभइरहेको छ । एक्कासी आएको बाढीपछि मेलम्ची खानेपानी आयोजना स्थलबाट ७६ जनालाई हेलिकोप्टरमार्फत उद्धार गरी काठमाडौँ र धुलिखेल लगिएको बताइउको छ । बाढीले आयोजनाको क्याम्पहरु, उपकरणहरु, निर्माण सामग्री, पहुँच सडक र पुल बगाएको विज्ञप्तिमा उल्लेख छ ।
