विराटनगर :
बसका यात्रुमाथि एसिड पोखिँदा पाँच जना घाइते भएका छन् । विराटनगरबाट मोरङको रंगेली जाँदै गरेको बसमा एसिड पोखिएर ५ जना यात्रु घाइते भएका हुन् । को १ ख ३९८१ नम्बर यात्रुवाहक बसमा एक जना यात्रुले बियरको बोतलमा एसिड बोकेको र उक्त बोतल कटारी पुगेपछि फुट्दा एक जना सह–चालक र चार जना यात्रु घाइते भएका हुन्।
घाइते हुनेहरूमा सुनवर्षी नगरपालिका ४ का २२ की निता राजवंशी, धनपालथान ५ का ४२ वर्षीय ओमनारायण राजवंशी, भोजपुर घर विराटनगरमा बस्दै आएका र सह–चालक २० वर्षीय विनोद परियार, सुनसरीको बराहा नगरपालिका ८ चकरघट्टीका ४० वर्षीय सुमित्रा उराँव र सुनवर्षी नगरपालिका ९ डाइनियाका २२ वर्षीय सबिया खानम रहेका छन् ।
घाइते सबैको कोसी अस्पतालमा उपचार भइरहेको बताइएको छ ।
