हुम्ला :
हुम्लामा खेतमा काम गरिरहेकी एक महिलालाई एकै पटक सात वटा कुकुरले टोकेर घाइते बनाएका छन् । जिल्ला समन्वय समितिमा कार्यरत कार्यालय सहयोगी सिमकोट गाउँपालिका–५ की सप्पा रावत गोडमेल गर्न जाने क्रममा कुकुरले टोक्दा गम्भीर घाइते भएकी हुन् ।
गोडमेल गर्दै गरेको जग्गामा छाडा कुकुरले टोकेर घाइते भएर लडेकी रावतलाई खेल मैदानमा फुटबल प्रशिक्षण गर्दै गरेका बिष्णु रावत लगायतको टिम गएर अस्पतालसम्म बोकेर उद्धार गरेको थियो ।
टाउको, शरीरको पछाडिको भाग, तिघ्रा, हात खुट्टा लगायतका भागमा कुकुरले टोकेर जताततै घाउ बनाएकाले उनलाई जिल्ला बाहिर रिफर गरिएको बताइएको छ ।
