काठमाडौं ६ असार । नेपाली कग्रेसका महामन्त्रीद्धय गगन थापा र विश्वप्रकाश शर्माले अमेरिकी सेनाको स्टेट पार्टनरसीप प्रोग्राम (एसपीपी) मा नेपाल सहभागी हुन नसक्ने भन्दै पत्राचार गर्न प्रधानमन्त्री शेरबहादुर देउवालाई आग्रह गरेका छन् ।
प्रधानमन्त्रीको निवास बालुवाटारमा भएको भेटमा थापा र शर्माले राष्ट्रिय सहमति निर्माण गरी एसपीपीमा कहिल्यै सहभागी नहुने गरी पत्राचार गर्न पार्टी सभापति समेत रहेका देउवालाई सुझाव दिएका हुन् ।
एसपीपी सम्बन्धमा सरकारको तर्फबाट आवश्यक प्रक्रिया पुर्याएर यो प्रकरण सदाको लागि बन्द गरिदिनुस् । विदेश नितिको अन्य सन्दर्भमा पनि प्रमुख प्रतिपक्ष लगायत राजनीति दललाइ बोलाए साझा धारणा तय गर्न प्रारम्भ गरौं महामन्त्रीद्धयले भनेका छन् ।
भेटमा नीति महाधिवेशन,केन्द्रीय समितिको बैठक, विभाग गठन, भ्रातृ संस्थाको नेतृत्व चयन तथा पूर्णता दिने विषयमा समेत छलफल भएको बुझिएको छ ।
