काठमाडौं ६ असार । सरकारले सशस्त्र प्रहरीका ३७ डिएसपीलाई एसपीमा बढुवा गर्न सिफारिस गरेको छ ।
आइतबार बसेको बढुवा समितिको निर्णयले ३७ डिएसपीलाई एसपीमा बढुवा गर्न सिफारिस गरेको हो । रिक्त रहेको पदमा पदपुर्ति गर्न ३७ जना डिएसपीहरूलाई एसपीमा बढुवा गर्न सिफारिस गरिएको हो ।
बढुवा सिफारिसमा ज्येष्ठताका आधारमा नाम पहिलो नम्बरमा टोप बहादुर डाँगी नाम परेको छ । डाँगीपछि हस्तबहादुर गुरुङ, तुलबहादुर भण्डारी, सुमन थपलिया, जीवन केसी, धीरेन्द्रराज न्यौपाने, देवराज अर्याल, दिनेश मल्ल, उद्धवबहादुर रावल, शिवप्रसाद गैह्रे, माधव रेग्मी, सुमनजंग थापा क्षेत्री, अनिल कार्की, किसन कर्माचार्य र सुशीलप्रसाद पराजुली छन् ।
बढुवा सिफारिस हुने अन्यमा सुरेन्द्रराज रञ्जित, रोशन बुढाथोकी, अशोककुमार शाक्य, रवि केसी, दिनेशकुमार महत, रामहरि अधिकारी, कमलचन्द्र गैह्रे, धनबहादुर बानियाँ, प्रेमबहादुर रावल, गोपालप्रसाद श्रेष्ठ, रमेशविक्रम शाहीलगायत छन् ।
