नेपालका कतिपय सेलीब्रेटीहरु एक आपसमा बोल्दैनन् भन्दा अचम्म मान्नु पर्दैन । फिल्ड एउटै भएपछि प्रतिष्पर्धा, तछाँड मछाड , रिसराग हुनु स्वभाविक नै पनि हो ।
यस्तै सेलीब्रेटीहरु मध्ये जितु नेपाल संग दिपा श्री निरौला र दिपकराज गिरीको अलि मनमुटाव रहेको सबैलाई थाहा नै छ । मुन्द्रेको कमेडी क्लबबाट नायिका तथा निर्देशक दीपाश्री निरौलालाई हटाउनका लागि जितुले रोल प्ले गरेको भन्दै दीपा दिपक चिडिएका थिए । लगत्तै उनीहरुले पनि आफ्नो समुहबाट जितुलाई निकालेका थिए ।
उनीहरुबीचको यो शितयुद्ध जारी नै रहेको छ । तर उनीहरुले यो कुरा सार्वजनिक रुपमा कहिले पोखेका छैनन् । तर हिजो जितु नेपाल मुन्द्रेको जन्म दिनमा हल्का छचल्किएको छ उनीहरु बीचको मतभेद । जितुलाई जन्म दिनको शुभकामना दिने क्रममा दिपकले घुमाएर यस कुराको झल्को दिएका छन् ।
दीपक गिरीले जन्मदिनको शुभकामनामा कहिले काही मतभेद एकअर्कासँग ठोकिए पनि आफूहरुको गति कहिले नरोकिएको बताउँदै जितुलाई जन्मदिनको शुभकामना दिएका छन्। यसले उनीहरुबीच मतभेद रहेको भन्ने कुरा दीपक आफैले स्विकार गरेको देखिएको छ । मुन्द्रेको कमेडी शो मा अहिले दीपाको ठाउँमा नायिका करिश्मा मानन्धर रहेकी छिन् ।
