काठमाडौँ :
पछिल्ला दिनमा स्वतन्त्र र चर्चित उम्मेद्धवारहरुले धमाधम निर्वाचन लड्ने तयारी गरिरहेका छन् ।
काठमाडौँ महानगरमा स्वतन्त्र बालेन शाहको बिजय भएसँगै देशभर एकखालको नयाँ माहोल देखा परेका बेला क्याप्टेन विजय लामाले राजनीतिक यात्रा सुरु गर्ने तयारी थालेको बताइएको छ। जसका लागि उनले आफ्नो सेवाबाट बिदा लिने तयारी गरेको समेत स्रोतले जनाएको छ । त्यस्तै
चर्चित संचारकर्मी रवि लामिछानेले पनि कामठाडौँ ३ बाट चुनाव लड्ने उद्घोष गरेसँगै नेपाली चलचित्र उद्योगका सफल कलाकार राजेश हमाल पनि चुनावमा होमिने भएका छन् ।
हमालले काठमाडौँ वा काभ्रेमध्ये एकठाउँबाट स्वतन्त्र उम्मेदवारी दिएर औपचारिक रुपमा राजनीतिक यात्रा थाल्ने तयारी छ। हमालले आफू राजनीतिमा जतिबेला पनि आउन सक्ने संकेत गरेका छन् ।
त्यस्तै हिजो मात्रै राजनीति गर्ने भन्दै सञ्चारकर्म छोडेका रवि लामिछानेले हमाललाई सँगै लिएर हिँड्न खोजेको खबरहरु बाहिर आएका थिए ।
