काठमाडौं :
अभिनेत्री पूजा शर्मा ठमेलस्थित ‘प्लेब्वाई क्लब’मा भेटिएकी छिन्। फिल्म ‘सम्झना बिर्सना’को आइटम गीत सुटिङका क्रममा उनी अभिनेता आकाश श्रेष्ठसँग नाँचदै गर्दा भेटिएकी हुन् ।
आकाश र पूजाले फिल्म ‘सम्झना बिर्सना’को आइटम गीत ‘हाँस्ने खेल्ने बेलैमा’ मा ठमेलको प्लेब्वाई क्लबमा नाचेका हुन्।क्लबसँगै यो गीतको छायाँकन भक्तपुर दरबार स्क्वायरमा पनि गरिएको छ।
गीतमा अन्जु पन्त र किरण गजमेरको स्वर सँगैअर्जुन पोख्रेलको संगीत रहेको छ भने रामजी लामिछानेले कोरियोग्राग्राफी रहेको छ । यो फिल्मको शीर्ष भूमिकामा आकाश र पूजा देखिने छन्। फिल्म ‘सम्झना बिर्सना’ आगामी असार ३१ बाट प्रदर्शनको तयारीमा छ।
निमेष प्रधानले निर्देशन गरेको ‘सम्झना बिर्सना’मा रेबीका र अद्वितीय प्रधानले सयुक्त रुपमा लगानी गरेका छन्।
