कबड्डी ४ को बक्स अफिसमा एकदमै राम्रो ब्यापार चलिरहेको छ । नेपाली फिल्म ईतिहासमा नै एकदमै सफल र ब्यापार राम्रो गर्न सक्षम देखिएको छ फिल्म कबड्डी ४ । तर नायिका बिबादमा पिल्सिन पुगेको छ । यसैबीच सिक्किम सरकारले कबड्डी ४ को प्रदर्शनी रोक लगाएको छ। १७ जूनदेखि सिक्किमका सबै हलमा यो फिल्म प्रर्दशनको तयारी रहेको थियो ।
अब यस प्रकारको निर्णय संगै कबड्डी ४ लाई झट्का लागेको छ । सिक्किमका मुख्यमन्त्री पीएस गोलेले आफ्नो आधिकारिक फेसबुक पेजमार्फत सिक्किममा कबड्डी ४ को प्रदर्शनीमा रोक लगाउने निर्णय राज्य सरकारले दिएको जानकारी गराए संगै फिल्म निर्माण पक्ष निराश बनेको छ ।मुख्यमन्त्री गोलेकाअनुसार सिक्किमेली जनता र यहाँका विभिन्न सङ्घ-संस्थाका भावनालाई ध्यानमा राख्दै राज्यमा कबड्डी ४ को प्रदर्शनीमा रोक लगाउने निर्णय राज्य सरकारले लिएको हो।
यस फिल्मकी नायिका मिरुना मङ्गर र र फुर्बा लामाबिचको विवाद बढेको र स्वीकार्य ढङ्गमा समाधान नभएसम्म राज्यमा यस फिल्मको प्रदर्शनीमाथि रोक लगाइएको मुख्यमन्त्री गोलेले जानकारी गराएका छन्।
