काठमाडौं १ असार । काठमाडौं महानगरपालिकाका मेयर बालेन शाहले टेकुमा रहेको फोहोरबाट बिजुली उत्पादन गर्ने प्लान्ट बनाउन धेरै खर्च नलाग्ने बताएका छन् ।
बुधबार काठमाडौंमा आयोजित एक कार्यक्रममा सहभागी भएका बालेनले टेकुमा रहेको विद्युत उत्पादन गर्ने प्लान्ट मर्मत गर्न दुई-तीन लाख भए पुग्ने बताएका हुन् ।
‘हाम्रो टेकुमा रहेको विद्युत उत्पादन गर्ने प्लान्ट छ। त्यो बनाउन सकिँदो रहेछ। करोडौं लाग्दैन दुई-तीन लाख खर्चेर विद्युत उत्पादन गर्न सकिन्छ,’ उनले भने।
साथै, बालेनकै सक्रियाताले गर्दा विगत केहि समय देखि थन्किँदै आएको बाटो सफा ब्रुमरलाई आज बाट पुन प्रयोगमा ल्याइएको छ ।
ब्रुमर बिग्रिएको भनिए पनि र ब्रुमरको सानो एउटा पाइपमात्रै बिग्रिएकोले त्यसको मर्मत पछि आजबाट काठमाडौंमा पाँच वटा ब्रुमरले सफा गर्न थालेको बालेनले बताएका छन् । भोलीबाट थप चार वटा ब्रुमर थपिने पनि उनले जानकारी दिएका छन् ।
