विराटनगर २७ जेठ । प्रमुख प्रतिपक्ष दल नेकपा एमाले अध्यक्ष केपी शर्मा ओलीले एमालेले कसैको जुठो नखाने बताएका छन् । शुक्रबार एमाले मोरङले विराटनगरमा आयोजना गरेको कार्यकर्ता भेलालाई सम्बोधन गर्दै अध्यक्ष ओलीले एमाले एक्लै स्थानीय तहको चुनावमा जाँदा पनि सानदार जित हासिल गरेको भन्दै ओलीले यस्तो बताएका हुन् ।
स्थानीय तह चुनावको मत परिणामले एमालेसँग असाधारण शक्ति रहेको प्रष्ट भएको दाबी गरेका ओलीले भने , ‘एमाले एक्लै चुनावमा जाँदा पनि सानदार जित हासिल गरेको छ । एमालेले कसैको जुठो खाँदैन।’
माओवादी केन्द्रका अध्यक्ष पुष्पकमल दाहाल प्रचण्ड तिर लक्षित गर्दै ओलीले आफ्नो गठबन्धनभित्रको दल कांग्रेसले दम्भ देखाए एमालेको जस्तो हालत बनाउने चेतावनी दिएको भन्दै कटाक्ष गरेका छन् ।
आफ्नो हालत घुँडाघुँडा हुने यस्तो धाक लगाएको भन्दै ओलीले प्रचण्डतिर लक्षित गर्दै भने , ‘धम्की दिने तिनको उचाइ कति छ भनेको कम्मर कम्मर अलि पुग्दा रहेनछन्, धाक चाहिँ कत्रो थियो भने कांग्रेसले घमण्ड नगरोस्, एमालेको हालत बनाइदिउँला । आफ्नो हालत के छ भन्दा घुँडाघुँडा । यस्ताले धाक लगाउँछन् एमाले जस्तो बनाउने ।’
