काठमाडौं २६ जेठ । नेकपा एमालेका सचिव योगेश भट्टराईले नेपाली शेयर बजार असाध्यै चिन्ताजनक अवस्थामा रहेको बताएका छन् ।
शेयर बजारको मुल्य घट्दा पुँजी बजारमा ठूलो समस्या देखा परेको बताएका नेता भट्टराईले शेयर मूल्य घटेको विषयमा सरकारको ध्यानाकषर्ण गराएका छन् ।
बिहिबार बसेको प्रतिनिधि सभाको बैठकमा बोल्दै नेता भट्टराईले राष्ट्रिय सुरक्षा नीतिमा पनि परिवर्तन गर्नु पर्ने सरकारसँग माग गरेका छन् ।
नेपाल शान्ति मिसनमा सबैभन्दा उच्च देश भएर पनि यहाँबाट केही फाइदा लिन नसकेको बताएका उनले भने, ‘हामीले गरेको शान्ति मिसनको योगदानबाट लविङ क्यापासिट एकदमै कमजोर भएको देखियो ।’
