काठमाडौं २६ जेठ । नेपाली कांग्रेसका नेता प्रकाशमान सिंहले निर्वाचित जनप्रतिनिधिहरुलाई जनताको विश्वास जितेर काम गर्न सुझाव दिएका छन् ।
बिहिबार नेपाली कांग्रेस काठमाडौं क्षेत्र नम्बर ९ ले आयोजना गरेको कार्यक्रमलाई सम्बोधन नेता सिंहले काठमाडौं महानगरपालिकामा पार्टीको तर्फबाट निर्वाचित जनप्रतिनिधिहरुलाई जनताको विश्वास जितेर आफ्नो जिम्मेवारीलाई इमान्दारीपूर्वक निर्वाह गर्न सुझाव दिएका हुन् ।
‘जनताले विश्वास गरेका छन्, जनताको अझ बढी विश्वास जितेर काम गर्नुस्,आफ्नो जिम्मेवारीलाई इमान्दारीपूर्वक निर्वाह गर्नुस् ।’पार्टी र संगठनलाई केन्द्रमा राखेर काम गर्न आग्रह गरेका उनले महानगरको मेयर नजिते पनि ३२मध्ये १९ वटा कांग्रेसको जित हात पारेको भन्दै मलजल गर्यो भने नेपाली कांग्रेस अझ राम्रो हुने दावी समेत गरेका छन् ।
साथै, उनले पार्टीका नेताहरु वीपी कोइराला, गणेशमान सिंह, कृष्णप्रसाद भट्टराई लगायतले गरेको त्याग र योगदानलाई नबिर्स समेत आग्रह गरेका छन् ।
