काठमाडौं । काठमाडौं उपत्यकाको फोहोर नुवाकोटको बञ्चरेडाँडामा फ्याँक्ने क्रममा बुधबार स्थानीयले अवरोध गरेपछि तनावको स्थिति सिर्जना भएको छ ।
मंगलबारदेखि प्रहरीको सहयोगमा फोहोर व्यवस्थापन सुरु गरिएको थियो । तर बुधबार पनि स्थानीयले अवरोध गरेपछि प्रहरीले केही राउण्ड अश्रुग्यास हानेको उपत्यका प्रहरी कार्यालय, रानीपोखरीका डीआईजी उत्तमराज सुवेदीले जानकारी दिए ।
स्थानीयले ढुंगामुढा गरेपछि स्थितिलाई नियन्त्रणमा लिन अश्रुग्यास हान्नु परेको उनको भनाइ छ । राजधानि दैनिकमा खबर छ । काठमाडौ महानगरको मेयरकी प्रतिस्पर्धी नेपाली कांग्रेसकी सिर्जना सिंहले बल प्रयोग गरेर फोहोर बिसर्जन गर्नु दीर्घकालिन समाधान नभएको टिप्पणी गरेकी छिन् ।
