दयाहाङ राई स्टारर फिल्म ‘कबड्डी ४’ले घरेलु बक्स अफिसमा राम्रो कमाई गरिरहेको छ । यस फिल्मले अहिले सम्म १७ करोड ६५ लाख रुपैयाँ ग्रस कमाइ गरेको बितरकले जानकारी दिएको छ । ११ दिनमा यस फिल्मले १७ करोड कमाई गर्दा दैनिक १ करोड ५० लाखको औषतमा ब्यापार गरेको देखिन्छ । त्यस्तै उक्त फिल्मको कमाई लाई प्रति टिकटदरको मुल्यले हेर्दा करिबन ५ लाख दर्शकले फिल्म हेरेको अनुमान सहजै गर्न सकिन्छ ।
यस फिल्मले स्वदेशमा मात्र हैन बिदेशमा समेत राम्रो पैसा तान्न सफल भएको छ । बिदेशी फिल्मले बिश्व बजार पिटिरहेका बेला यस फिल्मले यतिको कमाई गर्नु नेपाली सिनेजगतकै लागि खुशीको कुरा रहेको छ । अस्ट्रेलियामा एक करोडभन्दा कमाइ गर्दा जापानको कलेक्सन ७० लाख रुपैया रहेको छ । कुनै पनि नेपाली फिल्मको लागि यो अभूतपूर्व कमाइ हो ।
फिल्म चल्नुको कारणहरु थुप्रै रहेका छन् । यस फिल्ममा चर्चित र युवापुस्ता माझ लोकप्रिय कलाकारहरुको उपस्थिती नै एउटा बलियो कारण रहेको छ । फिल्ममा दयाहाङ राई, सौगात मल्लजस्ता स्टारको छविले दर्शक तान्न धेरै ठूलो भूमिका खेलेको छ । त्यस्तै फिल्मको पात्रहरु संग पहिला देखी नै दर्शक परिचित रहनुले पनि ठुलै भुमिका निर्बाह गरेको छ ।
फिल्म निर्माण टिम प्रतिको बिश्वास , हिंशा, झैझगडा, छाडापन नहुनु पनि अर्काे सफलता फिल्मको रहेको छ । कथामा मौलिकता, डाइलग डेलिभरी, पन्चलाईन, राम्रो प्रचार प्रसार लगायतका कारण फिल्मले नेपाली सिने बक्स अफिसमा राम्रो ब्यापार गर्न सफल भएको छ ।
