काठमाडौं :
नायिका नीता ढुंगाना र हरिहर अधिकारीको फिल्ममा दक्षिण भारतीय अभिनेता सुनिल बर्मा अनुबन्धित भएका छन् । ब्लकबस्टर बनेको फिल्म ‘पुष्पा’ फेम्ड अभिनेता बर्माले नेपाली फिल्म ‘ह्रस्वदीर्घ’मा डेब्यु गर्न लागेका हुन् ।
उनी चलचित्रमा भिलेनको भुमिकामा देखिने बताइएको छ । मर्यादा रमन्ना, पुल रंगाडु, तड्का जस्ता व्यावसायिक रुपमा सफल फिल्म गरेका उनले करिअरमा १७७ फिल्ममा अभिनय गरेका छन् ।
८ करोड रुपैयाँ बजेट बताइएको फिल्ममा बलिउड अभिनेता प्रकाश प्रदीप रावत पनि कास्टको रुपमा छन् । नीता र अभिनेता हरिहर अधिकारीसहित सलोन बस्नेत, सरोज खनाल पनि मुख्य भूमिकामा हुनेछन् ।मूलतः नेपाली भाषामा बन्ने ‘ह्रस्वदीर्घ’ हिन्दी भर्सनमा पनि हुनेछ ।
आगामी दशैंलगत्तै छायांकनमा जाने तयारीमा रहेको फिल्मले तन्नेरी युवायुवतीको प्रेमकथा पेश गर्छ ।
