चिली संगको अन्तराष्ट्रिय मैत्रीपूर्ण खेलमा दक्षिण कोरियाले जित निकालेको छ । सोमबार भएको खेलमा कोरियाले चिलीलाई दुई शुन्य गोल अन्तरले पराजित गर्दै जित निकाल्न सफल भएको हो । कोरियालाई जित दिलाउन ह्वाङ हि चान र सन ह्युङ मिनले एक एक गोलको योगदान दिएका थिए ।
खेलको १२ औं मिनेटमा चानले गोल गर्दै कोरियालाई सुरुआती अग्रता दिलाएका थिए । खेलको ५२ औं मिनेटमा एलेक्सले रातो कार्ड पाएपछि चिली १० खेलाडीमा समेटिएको थियो । त्यसपछि खेलको इन्जुरी समयमा सनले गोल गर्दै कोरियालाई दुई शुन्यको जित दिलाए ।
