काठमाडौं २३ जेठ । नेकपा एकिकृत समाजवादी सरकारमा सहभागी सबै मन्त्रीलाई फिर्ता बोलाएपछि नयाँ मन्त्रीको सुचीमा परेकाजीवनराम श्रेष्ठ मन्त्री बन्ने आशमा बसेका छन् ।
सोमबार बसेको शिर्ष नेताहरुको बैठकले बजेट पारित नभएसम्म नयाँ मन्त्रिपरिषद् विस्ता नगर्ने सहमति जुटाएपछि नेकपा एसले पुरानै मन्त्रीलाई निरन्तरता दिएको छ ।
यता आइतबार पार्टीको सचिवालय बैठक ले नयाँ चार मन्त्रीको नाम प्रधानमन्त्री शेबहादुर देउवालाई पठाएको थियो । जसमा जीवनराम श्रेष्ठ, मेटमणि चौधरी, शेरबहादुर कुँवर र हीराचन्द्र केसी नाम परेको थियो ।
तथापी, नयाँ मन्त्री बन्ने आशमा उनीहरु भने पार्टीको निर्णय कार्यान्वयन हुने भन्दै आएका छन् । मन्त्री बन्ने लाइनमा बसेका जीवनराम भने पार्टीले गरेको निर्णय कार्यान्वयन र जे निर्णय भएको थियो त्यही हुन्छ, अरू केही नहुने बताएका छन् ।
शपथ ग्रहणमा केही प्राविधिक समस्या भएको र त्यो मिलाउने काम भइरहेको उनले बताएका छन् ।
