बुटवल २३ जेठ । जिल्ला अदालत परिसरमा गोली चलेको छ । नवलपरासी पश्चिमको सदरमुकाम परासी बजारस्थित जिल्ला अदालत परिसरमा अंश मुद्दाको विवादमा गोली चलेको हो ।
जिल्लाको झगडिया सरावल गाउँपालिका–४ मंगलापुरका ३२ वर्षीय हर्षराम यादवले आफ्नै काकी रोशनी यादवलाई लक्षित गोली चलाएका हुन् ।
तथापी, गोली भने कसैलाई नलागेको जिल्ला प्रहरी कार्यालयले जनाएको छ । गोली चलाएर फरार रहेका हर्षरामको भने खोजी कार्य भइरहेको प्रहरीले जनाएको छ ।
यी दुई बिच आज सोमबार अदालतमा मिलापत्र गर्ने तयारी समेत भएको प्रहरीले जनाएको छ ।
