काठमाडौं २२ जेठ । नेकपा एकीकृत समाजवादीका अध्यक्ष माधवकुमार नेपालले नेपाली कांग्रेसका कारण स्थानीय तह निर्वाचनमा हार व्यहोर्नु परेको बताएका छन् ।
आइतबार काठमाडौंमा मुस्लिम इत्तेहाद संगठन नेपालको बैठकमा सहभागी भएका अध्यक्ष नेपालले निर्वाचनमा आफ्नो पार्टीले पराजय भोग्नुको कारण नेपाली कांग्रेस भएको आरोप लगाएका हुन् ।
कांग्रेसले राम्रो गरी भोट नखसालेका कारण केही स्थानमा आफ्नो पार्टीले पराजय भोग्नु परेको टिप्पणी गरेका नेपालले समाजवादीले जितेको भए कांग्रेसलाई पनि फाइदा हुने बताएका छन् ।
साथै, गएको निर्वाचनमा मुस्लिम इत्तेहाद संगठनले खेलको भूमिकाको प्रशंसा समेत नेपालले गरेका छन् ।
