रुपन्देही २२ जेठ । रुपन्देहीमा भएको बस दुर्घटनामा परी ज्यान गुमाउने मध्ये चार जनाको पहिचान खुलेको छ ।
जसमा रुपन्देहीको बुटवल योगिकुटीका ५६ वर्षीया बिष्णु पौडेल, बुटवल–११, कालिकानगरका कृष्णप्रसाद बस्याल र रौतहट जिल्लाका २० वर्षीया दिनेश दास, रुपन्देहीको ओमसतिया गाउँपालिका–४, मटेरियाका राजेन्द्रप्रसाद पाण्डे रहेका छन् । उनीहरुको उपचारको क्रममा ज्यान गएको हो ।
आइतबार बिहान ३३ जना सवार जनकपुरबाट भैरहवा आउँदै गरेको लु २ ख ३८४१ को यात्रुबाहक बस दुर्घटना हुँदा नौ जानको ज्यान गएको हो । घाइते अन्य १६ जनाको अवस्था पनि गम्भिर रहेको अस्पतालले जनाएको छ ।
दुर्घटनामा घाइते भएका २४ जनाको मेडिकल कलेज र भीम अस्पतालमा उपचार भइरहेको प्रहरीले जानकारी दिएको छ ।
