रुपन्देही:
रोहिणी नदीमा बस खस्दा ९ जनाको मृत्यु भएको छ । जनकपुरदेखि भैरहवा हिडेको लु २ ख ३८४१ नम्बरको बस बिहान करिब ४ बजेर ३० मिनेट जाँदा नदीमा खसेको बताइएको छ ।
घटनामा मृतकको संख्या ९ पुगेपनि उनीहरुको पहिचान भने हुन नसकेको प्रहरीले जनाएको छ । बस पुलमुनी खसेको छ भने बसको अगाडिको भाग पूरै क्षति भएको छ ।
बसमा ३३ जना सवार रहेको जिल्ला प्रहरी कार्यालय रुपन्देहीले जनाएको छ । धेरैजसो घाइतेहरुको उद्धार गरेर भीम अस्पताल र युनिभर्सल मेडिकल कलेज लगिएको बताइएको छ ।
