काठमाडौं २० जेठ । नेपाल कम्युनिस्ट पार्टीका महासचिव नेत्रविक्रम चन्द विप्लवले पार्टीबाट विद्रोह गरेर गएका नेता कार्यकर्तालाई पार्टीमा फर्किन आह्वान गरेका छन् ।
शुक्रवार केन्द्रीय समितिको १३ औँ पूर्ण बैठकका निर्णयहरू सार्वजनिक गर्न काठमाडौंमा आयोजित पत्रकार सम्मेलनलाई सम्बोधन गर्दै विप्लवलगल्ती स्वीकार गरेर आत्मालोचना गरी पार्टीमा फर्किन आग्रह गरेका हुन् ।
विद्रोह गरी नयाँ पार्टी गठन गरेका पूर्वसचिवालय सदस्यहरू धर्मेन्द्र बास्तोला र हेमन्तप्रकाश वलीलाई पार्टीमा फर्किन आग्रह गरेका उनले नेपाली जनतालाई नेतृत्व गर्ने, नेपालको क्रान्तिकारी आन्दोलनलाई गोलबन्द गरेर लिएर जाने कुरामा आफुहरुले ध्यान दिनुपर्ने बताएका छन् ।
बाहिर बबन्डर मच्चाउन छोडिदिन आग्रह गरेका उनले भने , ‘हामीले भन्दै आएको प्रगतिशील संयुक्त सरकार, जनमत सङ्ग्रह, वैज्ञानिक समाजवाद त हो नि । नेपालमा त सय वटाभन्दा बढी पार्टी छन्, एउटा थप्ने कुरा ठूलो होइन । तर नेपाली जनतालाई नेतृत्व गर्ने, नेपालको क्रान्तिकारी आन्दोलनलाई गोलबन्द गरेर लिएर जाने कुरामा हामीले ध्यान दिनुपर्छ ।’
साथै, उनले माओवादीले जनतालाई मलमल र भुमरीमा नफसाइ परिवर्तनतिर लैजाने गरी आएमा आफूहरू एकताका लागि तयार समेत भएको बताएका छन् ।
