काठमाडौ १८ जेठ । नेकपा माओवादी केन्द्रका अध्यक्ष पुष्पकमल दहाल प्रचण्डले स्थानीय तह निर्वाचनमा धरान र काठमाडौंमा मात्र स्वतन्त्र उम्मेदवार जितेको बताएका छन् ।
बुधबार पार्टीका स्थानीय तहका निर्वाचित जनप्रतिनिधीका लागि आयोजना गरिएको प्रशिक्षण कार्यक्रमलाई सम्बोधन गर्दै अध्यक्ष प्रचण्डले अन्यमा स्थानमा भने स्वतन्त्र भनिएपनि दलकै बागीले जितेको जिकिर गरेका छन् ।
धरान र काठमाडौंका स्वतन्त्र उम्मेदवारले माओवादीले जस्तै कुरा गरेकोले जनताले मत जिकिर गरेका प्रचण्डले यसबाट माओवादीले सवक सिक्नुपर्ने बताएका छन् । प्रचण्डले भने,–‘हामीले राम्रो कुरा नगरेको देखेपछि जनताले हामीलाइ नै सवक सिकाएको जस्तो लाग्छ ।’
काठमाडौमा स्वतन्त्र उम्मेदवार बालेन साह मेयरमा निर्वाचित भएका छन् । धरान उपहामनगर पालिकाको मेयरमा हर्क सम्पाङग निर्वाचित भएका छन् । अध्यक्ष प्रचण्डले बालेन र हर्कतिर संकेत गर्दै यस्तो बताएका हुन् ।
