काठमाडौं १८ जेठ । नेकपा (माओवादी केन्द्र0का अध्यक्ष पुष्पकमल दहाल प्रचण्डले स्थानीय तह निर्वाचनमा ठूलो दलको रुपमा देखा पर्ने वित्तिकै कांग्रेसमा अहंकार र दम्भ देखिन खोजेको संकेत गरेका छन् ।
बुधबार निर्वाचित जनप्रतिनिधीका लागि आयोजना गरेको प्रशिक्षण कार्यक्रमलाई सम्बोधन गर्दै प्रचण्डले कांग्रेसलाई अहंकार र दम्भ नपाल्न समेत आग्रह गरेका छन् । माओवादीले अहिलेकै गठबन्धनलाई नै निरन्तरता दिएर पछि सम्म लैजान चाहेको भएपनि कांग्रेसमा अहंकार बढ्ने हो की भन्ने चिन्ता आफुलाई लागेको बताएका छन् ।
शेरबहादुर देउवालाई प्रधानमन्त्री बनाउन निक्कै मेहनत गरेरै बताएका उनले भने,’कांग्रेसमा फेरि अहंकार र दम्भ केहीमा देखिन खोजेको छ , त्यसो हो भने त्यो राम्रो हुँदैन । एमालेमा , केपी ओलीमा दम्भ र अहंकार आएपछि नै हामी त्यसलाई फालेर नयाँ गठबन्धन बनाउन आएका हौं,कांग्रेसमा पनि एमालेमै जस्तो अहंकार र दम्भ आयो भने फेरि विद्रोह हुन्छ । जो जो मा अहंकार आउँछ, त्यसैलाई ठोक्दै जाने हो । यस्तै तरिका हो भने पनि भनिएको छ ।’
एमालेले मुखले जे भनेपनि मन भने रोएकै बताएका उनले भने,’कसैको बैशाखी टेक्दैनौं रे, दुई चोटी प्रधानमन्त्री कसरी बनेका हुन् ? जनतालाई थाहैं । त्यसकारण हामी भन्छौं, कांग्रेसले पनि माओवादीलाई हल्का रुपले नलिओस् ।’
