काठमाडौं १८ जेठ । नेकपा (माओवादी केन्द्र) को प्रशिक्षण कार्यक्रम सुरु भएको छ । यही वैशाख ३० गते सम्पन्न भएको स्थानीय तह निर्वाचनमा विजयी आफ्ना पार्टीका नेताहरुको लागि प्रशिक्षण शुरु भएको हो ।
आज र भोली दुई दिन चल्ने प्रशिक्षण कार्यक्रमको उदघाटन भने माओवादी केन्द्रका अध्यक्ष पुष्पकमल दाहाल प्रचण्डले ब्यानरको स्वीच थिचेर गरेका छन् । निर्वाचित जनप्रतिनिधिलाई स्थानीय तहबाटै समाजवादको आधार तयार गर्न निर्देशित गर्ने उद्देश्यले दुई दिने प्रशिक्षण कार्यक्रम आयोजना गरिएको केन्द्रले जनाएको छ ।
स्थानीय सरकार सञ्चालन, सेवा प्रवाह, विकास निर्माण, सुशासन, स्वास्थ्य, शिक्षा, बजेट तथा कानून निर्माणलगायत विषयमा विज्ञहरुले प्रशिक्षण दिने कार्यक्रम रहेको पार्टीले जनाएको छ ।
