काठमाडौं १७ जेठ । प्रहरी महानिरीक्षक धिरजप्रताप सिंहलाई विपक्षी बनार्इ सर्वोच्च अदालतमा दायर गरिएको रिटको सुनुवाई जेठ ३० गते हुने भएको छ ।
सिंहविरुद्ध प्रहरी नायब महानिरीक्षक ईश्वरबाबु कार्की, घनश्याम अर्याल र प्रकाशजंग कार्कीले सर्वोच्च अदालतमा रिट दायर गरेका हुन् । उनीहरुले वरिष्ठता मिचेर सिंहलाई एआईजीमा बढुवा गरेको भन्दै सर्वोच्चमा रिट दायर गरेका थिए ।
त्यसैगरी सिहंलाई विपक्षी बनाई एआईजी विश्वराज पोखरेलले वरिष्ठता मिचेर आईजीमा बढुवा गरेको भन्दै अर्को रिट दायर गरेका छन् ।
यी दुवै रिटको सुनुवाई जेठ ३० हुने मंगलबार न्यायाधीश विश्वम्भरप्रसाद श्रेष्ठ र डा। कुमार चुडालको इजलासले आदेश दिएको हो ।
