काठमाडौं :
फिल्म ‘प्रकाश’को टिजर सार्वजनिक गरिएको छ । सार्वजनिक टिजरमा शिक्षक बन्न संघर्ष गर्ने एक युवाको कथालाई देखाइएको छ । पिताको पखाईमा रहेको छोरा र उसको गाउँको स्कुलमा शिक्षक बन्ने सपनालाई टिजरमा देखिएको छ । टिजरमा अभिनेता प्रदीप खड्का जुम्लाको अति विपन्न युवकको भूमिकामा देखिएका छन् ।
फिल्ममा प्रदीप खड्का र रेणु योगीको मुख्य भूमिका रहेको छ। साथै, यसै फिल्म बाट ठुलो पर्दामा रेणुले डेब्यु गरेकी हुन् निर्देशक दिनेश राउतको निर्देशन रहेको फिल्म विनिश इन्टरटेनमेन्टको ब्यानरमा निमार्ण भएको छ। विकास सुवेदीले लेखेको फिल्ममा अनुप बराल कास्टिङ डाइरेक्टर रहेको फिल्ममा दिया मास्के, प्रकाश घिमिरे, राजन खतिवडा, रामबाबु रेग्मी, नीरज पन्थी लगायतका कलाकारहरूको पनि अभिनय रहेको छ ।
महेन्द्र अधिकारीको लगानी रहेको फिल्मलाई राजेश श्रेष्ठले खिचेका हुन् ितारा प्रकाश लिम्बु, एलिस कार्की, दीपक शर्माको संगीत ,प्रकाशमा उत्तम न्यौपानेको साउन्ड, जीवन थापाको सम्पादन फिल्ममा समावेश रहेको छ ।
