काठमाडौं १७ जेठ । मुस्ताङको थासाङ गाउँपालिका–२ कोवाङको सिरानमा पर्ने सानोसरे भीरमा भएको दुर्घटनामा तारा एयरको ब्ल्याक बक्स भेटिएको छ ।
मंगलबार बाँकी शव संकलन गर्न गएको टोलीले विमानको ककपिट भ्वाइस रेकर्डर ब्ल्याक बक्स फेला पारेको हो । फेला परेको (ब्ल्याक बक्स) काठमाडौं पठाउँदै गरिएको मुस्ताङका प्रमुख जिल्ला अधिकारी नेत्रप्रसाद शर्माले जानकारी दिएका छन् ।
ब्ल्याकबक्स भेटिएसँगै शव र दुर्घटनास्थलमा भेटिएका महत्त्वपूर्ण सामानसहित उद्धारमा खटिएका सुरक्षाकर्मीसमेत फिर्ता भएका छन् । अब दुर्घटना हुनु भन्दा अन्तिम समयसम्म चालक दलबीच भएका कुराकानीसँगै अन्य विस्तृत जानकारीहरु प्राप्त गर्न सजिलो हुने भएको छ ।
आइतबार भएको विमान दुर्घटनामा परी २२ जनाको मृत्यु भएको छ । शव भने सोमरबा मात्र फेला परेको हो ।
