नेपाली समाजको चित्रण गर्ने सामाजिक कथा बोकेको चलचित्र आँखा बन्ने भएको छ । जोन योञ्जनको निर्देशनमा बन्न लागेको यस चलचित्रको सोमबार एक कार्यक्रमको आयोजना गरि घोषणा गरिएको हो । पत्रकार सम्मेलनमा यस फिल्मका कलाकार र फिल्म बारे जानकारी दिइएको थियो ।
यस फिल्ममा अभिनेत्री निशा अधिकारी मुख्य पात्रको रुपमा देखिने छिन् । त्यस्तै अन्य कलाकारहरुमा सरोज खानाल , बुद्धि तामाङ हैट, बिजय बराल ,आरके मेहता, अस्मिता लामिछाने , पशुपति राई, कृष्णभक्त महर्जन, राजन खतिवडा, प्रविण खतिवडा, लुनिभा तुलाधर, रविन्द्र झा, रेनुका कार्की, अभय बराल, सरोज लामिछाने, मोहन अभिलाषी रहेका छन् ।
आकोश शुक्लाले छायांकन गर्ने फिल्ममा संगीत दीपक आरजेको रहनेछ भने द्वन्द्व निर्देशन रेवन्तविक्रम थापाले गर्नेछन् । पत्रकार सम्मेलनमा फिल्मका बारेमा बोल्दै अभिनेत्री अधिकारीले फिल्मले वास्तबिक समाजको यर्थाथतालाई बोकेको बताईन् । उनले पछिल्लो वर्ष आफूले नयाँ भिजन र क्रियसन भएका मेकरसँग काम गर्न पाएको भन्दै ‘आँखा’पनि त्यसैको एउटा श्रृंखला समेत रहेको बताईन् ।
