ह्वीस्कीको बोतल १० करोडमा बिक्री हुन्छ भन्दा तपाई लाई बिश्वास नलाग्न सक्छ । तर यो सत्य कुरा रहेको छ । यसलाई विश्वको सबैभन्दा ठूलो व्हिस्की बोतलको रूपमा वर्णन गरिएको छ। लिलामीमा एक व्यक्तिले यसलाई १४ लाख डलरमा किनेका थिए । यो व्हिस्की बोतलको नाम द इन्ट्रेपिड हो। अक्सन हाउस लियोन एन्ड टर्नबुलका अनुसार यो बोतल ५ फिट ११ इन्च लामो छ । यसको आकारका कारण यसको नाम गिनिज बुक अफ वल्र्ड रेकर्डमा पनि लेखिएको छ ।
यसलाई विश्वको सबैभन्दा ठूलो व्हिस्की बोतलको उपाधि दिइएको छ। यो व्हिस्कीको बोतलमा ३११ लिटर ह्विस्की भरिएको छ । सामान्य आकारको व्हिस्की बोतलसँग तुलना गर्दा, यो लगभग ४४४ बोतल बराबर व्हिस्कीले भरिएको छ। हालै यो बोतल अनलाइन लिलामीमा राखिएको थियो, जहाँ एक व्यक्तिले १० करोड रुपैयाँभन्दा बढी तिरेर किनेका थिए । रिपोर्टका अनुसार यसलाई अहिलेसम्मकै सबैभन्दा महँगो रक्सी मानिएको छ । यो वाइन सन् १९८९ मा बनेको म्याकलनको लक्जरी सिंगल माल्ट स्कच व्हिस्की हो।
लिलामी निकायले यो ‘पहेँलो सुन’ भएको बताएको छ । यसको स्वाद स्याउ जस्तै मीठो छ। उल्लेखनीय रूपमा, म्याकलन स्कटल्याण्डको सबैभन्दा पुरानो डिस्टिलरीहरू मध्ये एक हो। यसको ह्विस्कीका बोतलहरूले विश्वभर आफ्नो पहिचान बनाएका छन्। स्कटल्याण्ड विश्वको सबैभन्दा प्रसिद्ध व्हिस्की निर्माता हो। जोनी वाकर, ब्यालेन्टाइन र ग्रान्ट जस्ता प्रमुख ब्रान्डहरूको जरा यस देशमा छ। यसअघि पनि यहाँका रक्सीका बोतल लिलामीमा राखिएका छन् । तर, यसपटकको लिलामी सबैभन्दा महँगो भएको छ ।
