झापा फुटबल क्लब लाई ठुलो सफलता हात परेको छ । अब झापा फुटबल क्लब सहिद स्मारक बी डिभिजन लिगमा बढुवा भएको छ । सोमबार विरगंज युथ एकेडेमीलाई पाँच शुन्य गोल अन्तरले हराउँदै झापा बी डिभिजनमा बढुवा भएको हो । झापा एक खेल अगाबै बढुवा भएको हो ।
झापाले लिगको अन्तिम खेल श्वयम्भु फुटबल क्लबसँग खेल्नेछ । एन्फा कप्लेक्स सातदोबाटोमा झापालाई जित दिलाउन पुजन राईले ह्याट्रिक सहित ४ गोल गरे । सन्तोष लावतीले एक गोल गरेका थिए ।
जितसँगै झापाले १२ खेलमा ३१ अंक जोडेको छ । झापा शीर्ष स्थानमा समेत उक्लिएको छ । यस हारसँगै विरगंज रेलिगेसनमा परेको छ ।विरगंज ५ अंक जोडेर १३ औं स्थानमा रहेको छ । यस अघि ओसिस क्लब रेलिगेसनमा परिसकेको छ ।
