काठमाडौं -अभिनेत्री दीया पुनले विश्वको सर्वोच्च शिखर सगरमाथाको सफल आरोहण गरेकी छन् । शुक्रबार विहान निर्मल पूर्जाको एलिट एक्सपिडिसन आरोही दलमार्फत् अभिनेत्री दीया पुनले सगरमाथाको सफल आरोहण गरेकी हुन् ।
अभिनेत्री दीयाले आफ्नै ४२ लाख खर्चमा तीन च्यारिटी उद्देश्यका साथ सगरमाथा आरोहण गरेकी हुन् । जसमा बेलायतको राष्ट्रिय स्वास्थ्य सेवा (एनएचएस टुगेदर), कोलचेस्टर अस्पताल र नेपालमा रहेको चिल्ड्रेन एण्ड युथ फस्र्ट रहेका छन् कुशल अभिनेत्रीको छवी बनाएकी दिया सगरमाथा आरोहण गर्ने अभिनेत्रीहरुमध्ये दीया दोस्रो हुन् ।
यस अगाडि अर्की अभिनेत्री निशा अधिकारीले सगरमाथा आरोहण गरेकी थिइन् ।आज विहान निर्मल पूर्जा र दीया पुनसहित २० जनाको आरोही दल ८,८४८।८६ मिटर उचाइको सगरमाथाको सफल आरोहण गरेको हो ।
