काठमाडौ १३ जेठ । नेपाली कांग्रेसकी नेतृ सिंर्जना सिंहले काठमाडौं महानगरको मेयरमा विजयी भएका बालेन साहलाई बधाई दिएकी छन् ।
काठमाडौं महानगर प्रमुखमा निर्वाचित वालेन्द्र साहलाई हार्दिक बधाई ज्ञापन तथा सफल कार्यकालका लागि शुभकामना व्यक्त गर्दै उनले शुभकामना सन्देशमा भनेकी छन् , ‘उपप्रमुख, वडाध्यक्ष र सदस्यमा निर्वाचित सबै आदरणीय व्यक्तित्वमा बधाई ज्ञापन गर्दै महानगरवासीको भावना बमोजिम कार्य गर्न पूर्ण कार्यकालभरी मेरो रचनात्मक सहयोग र साथ रहने प्रतिबद्धता समेत व्यक्त गर्दछु ।’
विजयी हुने गरी निश्चय नै मत जित्न सकिनँ तर नगरवासी आमाबुबा, दिदीबहिनी, दाजुभाइको मन जित्न सकेको बताएकी उनले अतस् लोकतान्त्रिक अभ्यासको यो परिणामलाई आफुले हार्दिकतापुर्वक स्वीकार र आत्मसात गरेको बताएकी छन् । साहलाई हार्दिक बधाई ज्ञापन गर्दै सफल कार्यकालका लागि शुभकामना समेत व्यक्त गरेकी छन् ।
काठमाडौं महानगरको मेयरमा पराजित भएपछि सिंहले मेयरमा विजयी साहलाई बधाई दिएकी हुन् । मेयरमा स्वतन्त्र उम्मेदवार साह ६१ हजार ७ सय ६७ मत ल्याई विजयी हुँदा उनले ३८ हजार ३ सय ४१ मत मात्र पाएकी हुन् । ‘महानगरपालिकाको प्रमुख पदमा नेपाली कांग्रेसको उम्मेदवारका रूपमा मलाई नगरवासीले दिनुभएको अपार माया, हौसला र समर्थनप्रति म हृदयदेखि आभार प्रकट गर्दछु,’ उनले भनेकी छन् ।
विजयी साहलाई महानगरवासीको भावनाबमोजिम कार्य गर्न र पूर्ण कार्यकाल भरि आफ्नो रचनात्मक सहयोग र साथ रहने प्रतिबद्धता समेत व्यक्त गरेकी छन्। साथै उनले निर्वाचनमा खटिने सबैलाई धन्यवाद दिँदै महानगरवासी अनि सिंगो देशको सेवामा अनवरत उत्साहपूर्वक लागिरहने संकल्प समेत गरेकी छन् ।
मत जित्न नसकेपनि नगरवासीको मन जितेको बताएकी र्सिजनाले बालेनलाई महानगरवासीको भावनाबमोजिम कार्य गर्न र पूर्ण कार्यकाल भरि आफ्नो रचनात्मक सहयोग र साथ रहने प्रतिबद्धता समेत व्यक्त गरेकी छन्।
