काठमाडौ-मरिच स्वादमा मात्र नभई स्वास्थमा पनि उतिकै लाभलाएक मानिन्छ । यसको प्रयोग बिशेष गरी जाडो मैनामा हुने गर्दछ यसको सेवन गर्दा हाम्रो शरीरलाई विभिन्न खालका फाइदा हुने गर्दछन् ।‘मरिच’ एक खाद्य पदार्थ हो। यसको रङ्ग कालो हुन्छ।यसलाई दुध, चिया, रोटी, तरकारी आदिमा प्रयोग गरिन्छ ।
वनस्पति जगत्मा पिप्पली कुलको मरिचपिप्पली नामक लता सदृश बाह्रैमासे बिरुवाहरूको आधापाकेका वा बढी सुकेका फलहरूको नाम मरिच हो ।कालो मरिचमा कीटाणुनाशक गुण हुने भएकाले यसको सेवनले हाम्रो शरीरमा रोगप्रतिरोधात्मक क्षमता बढाउँछ । यो बेसारसँग मिसाएर नियमित खाँदा क्यान्सर लाग्ने सम्भावना कम हुन्छ ।जिरा र चिनीसँग कालो मरिच मिसाएर दैनिक दुई चम्चा सेवन गर्दा पायल्सबाट राहत पाउन सकिन्छ ।
तातोपानीमा कालो मरिचको धुलो र कागती हालेर पिउँदा एसिडिटीबाट छुटकारा पाउन सकिन्छ ।कालो मरिचको धुलो ठीक मात्रामा दैनिक सेवन गरेमा मांसपेशीजन्य रोग लाग्दैन । शरीरमा स्फूर्ति बढाउनुका साथै मस्तिष्क सक्रिय बनाउन मद्दत गर्छ ।
