काठमाडौ १० जेठ । प्रमुख प्रतिपक्षी दल नेकपा (एमाले) का सचिव योगेश भट्टराईले सरकारले ल्याएको नीति तथा कार्यक्रम उद्देश्यहीन भएको बताएका छन् ।
आज मंगलबार संघीय संसद भवनमा बसेको बैठकमा राष्ट्रपति विद्यादेवी भण्डारीले आगामी आर्थिक वर्ष २०७९–८० को बजेटको नीति तथा कार्यक्रम सार्वजनिक गरेकी थिइन् ।
संसद् भवन परिसरमा पत्रकारसँग भएको कुराकानीमा नेता भट्टराईले सरकारको नीति तथा कार्यक्रममा कुनै उत्साह र आकर्षण नभएको भन्दै यसले मुलुकको अर्थतन्त्र सुधारका लागि पहल नगर्ने बताएका छन् ।
परम्परावादी भएका टिप्पणी गरेका उनले यसमा कुनै उत्साह नभएको बताएका छन् । ‘यो सपनाविहीन, उद्देश्यविहीन, गन्तव्य विहीन र यथास्थितिवादी छ । यसले मुलुकको अर्थतन्त्र सुधारका लागि पहल गर्दैन ।’
