काठमाडौं १० जेठ । सरकारले कक्षा ८ सम्म दिवा खाजा कार्यक्रम विस्तार गर्ने घोषणा गरेको छ ।
सरकारको आगामी आर्थिक वर्षको नीति कार्यक्रम प्रस्तुत् गर्दै राष्ट्रपति विद्यादेवी भण्डारीले आगामी आर्थिक वर्षदेखि यस्तो नीति कार्यान्वयनमा आउने जानकारी गराएकी हुन् ।
अहिले कक्षा ५ सम्म मात्र विद्यालय दिवा खाजा कार्यक्रम सञ्चालनमा आएको छ ।
सरकारले आगामी वर्ष अधिकतम स्कुलमा न्यूनतम पूर्वाधार निर्माणको काम सक्ने समेत जनाएको छ ।
साथै, विद्यार्थी र शिक्षकबीचको अनुपात मिलाउने समेत नीति तथा कार्यक्रममा समावेश गरिएको छ ।
