काठमाडौं १० जेठ । काठमाडौंको सेन्ट लरेन्स कलेजको छात्रामाथि दुर्व्यवहार गरेको अभियोगमा शिक्षक जनार्दन अधिकारी पक्राउ परेका छन् । प्रहरी वृत्त गौशाला अधिकारी सहित कलेजका शिक्षक र कर्मचारीलाई समेत लगिएको छ ।
कक्षा ११ मा अध्यनरत एक छात्रालाई आफ्नो इच्छा पूरा गर्दिए कलेजको शुल्कदेखि अरु कुरा छुट गराइदिने भन्दै अधिकारीले दुर्व्यवहार गरेको विद्यार्थीले जाहेरीमा भनेका छन् ।
पटक-पटक कलेज व्यवस्थापनलाई यसबारेमा जानकारी दिँदा समेत सुनुवाइ नभएको भन्दै विद्यार्थी आन्दोलित भएका हुन् । विद्यार्थीहरुले दोषीलाई कारवाहीको माग गर्दै महानगरीय प्रहरी वृत्त गौशालाअगाडि समेत नारावाजी गरिरहेका छन् ।
घटनाको विषयमा थप अनुसन्धानका गर्नको लागि म्याद थपको विषयमा अधिकारीलाई अदालतसामु उपस्थित गराउने तयारी भएको पनि प्रहरीले जनाएको छ ।
