काठमाडौं :
काठमाडौं महानगरको मेयरमाँ बालेन साहको जित लगभग सुनिश्चित भएको छ । हालसम्म महानगरको एक लाख ५० हजार ७२० भोटको गणना भइसकेकोमा बालेनले ५० हजार ९८ भोट ल्याएका हुन् ।
मुख्य प्रतिस्पर्धी कांग्रेसकी सिर्जना सिंहसँग उनको झण्डै २० हजार मतको दूरी छ । सिर्जनाले ३० हजार ७७४ मत ल्याएकी छन् । यस्तै, तेस्रो स्थानमा रहेका केशव स्थापितको २९ हजार ९९७ मत आएको छ । मतगणना उत्तरार्धमा बालेन शाहले व्यक्तिगत भोट ५० हजार कटाइसकेका छन् ।
कुल १ लाख ९१ हजार १७१ भोट खसेको मध्य अब ४० हजारभन्दा कम भोट गणना गर्न बाँकी रहेको छ । वडा नम्बर १७ को भने मत गन्न सुरु भएको छैन ।
