कास्कीको पोखरा महानगरपालिकाको पछिल्लो मत परिणाम सार्वजनिक भएको छ । मतगणना अहिले पनि जारी रहेको छ । ताजा अवस्थामा एक लाख ३३ हजार ७५३ मत गणना गर्ने कार्य सम्पन्न भईसकेको छ । प्रमुखमा नेकपा एकीकृत समाजवादीका धनराज आचार्य अग्रस्थानमा रहेका छन् ।
उनले ५४ हजार ३३७ मतसहित अग्रता जारी राखेका हुन् । उनी दोस्रो स्थानमा रहेका नेकपा एमालेका कृष्ण थापा भन्दा ४,७३६ मतले अगाडि छन् । थापाले ४९ हजार ६०१ मत पाएका छन् । उपमेयरमा एमालेकी मञ्जुदेवी गुरुङ ५६ हजार ७४१ मतसहित अगाडि छिन् ।
