काठमाडौं महानगरपालिकाको पछिल्लो मत परिणाम सार्वजनिक भएको छ । मेयर पदमा स्वतन्त्र उम्मेदवारी दिएका वालेन्द्र साहले आफ्नो अग्रतालाई कायमै राखेका छन् ।पछिल्लो मत परिणामअनुसार साहले ४८ हजार ९० मत प्राप्त गरेका छन् । उनका निकटतम प्रतिद्वन्द्वी नेपाली कांग्रेसकी सिर्जना सिंहले २९ हजार १८० मत प्राप्त गरेकी छिन् । सिंह र बालेन बीचको मत अन्तर १८ हजार ९१० रहेको छ ।
उता बालेन शाहलाई हराउने दाबी गरिरहेका एमालेका मेयर पदका उम्मेद्धार केशव स्थापितले भने २८ हजार ३२६ मत ल्याएका छन् । त्यस्तै, उपमेयरतर्फ नेकपा एमालेकी उम्मेदवार सुनिता डंगोलले लोकप्रिय मत ल्याएर अग्रस्थानमा रहेकी छिन् ।पछिल्लो मत परिणामअनुसार उनले ४४७०५ मत प्राप्त गरेकी छिन् । त्यस्तै, उपमेयर पद तर्फ नै नेकपा एकीकृत समाजवादीका रामेश्वर श्रेष्ठले १५ हजार २८२ मत प्राप्त गरेका छन् । त्यस्तै उपमेयर पदमा नै तेस्रो स्थानमा रहेका राष्ट्रिय प्रजातन्त्र पार्टी राप्रपाकी उम्मेद्वार विनिता मगैयाले ७ हजार २३ मत प्राप्त गरेकी छिन् ।
