काठमाडौं ३१ जेठ । काठमाडौं उपत्यकाको खानेपानी लिमिटेडले खानेपानी वितरणको तालिकामा फेरबदल गरेको छ । आज सोमबार केयूकेएलले एक सुचना जारी गरी सबै उपत्यकावासीलाई जानकारी गराएको छ ।
सुचनामा मेलम्चीको पानी नआउन्जेसम्म ग्राहकहरुलाई वितरणका लागि हुने खानेपानी परिमाणको कमीलाई ध्यानमा राखी हालको खानेपानी वितरणको तालिकामा फेरबदल गरिएको उल्लेख गरिएको छ ।
ललितपुरबाट वितरण हुने पानी १२ दिन बिराएर आउने ,बालाजु स्टेसनबाट वितरण हुने पानी ९ दिन बिराएर आउने तथा महांकाल, मीनभवन, ठिमी स्टेसनबाट वितरण हुने पानी ७ दिन बिराएर वितरण गरिने भएको छ । 
